لوعاوز تشحن محفظتك عندك طريقتين
الطريقة الاولي الشحن عبر الدعم الفني
-تخش الموقع في زر ماسنجر تحت علي يدك اليمين تدوسو وتقول ليهو عاوز اشحن محفظتي وترسل ليهو المبلغ عبر بنكك او تحويل عبر البطاقة من اي بنك وايميلك وهو بشحنها ليك
الطريقة الثانية عبر البطاقة بتاعت الصراف
تخش القائمة الفوق علي يدك الشمال بعديها تدوس علامة المحفظة
بعداك تدوس شحن رصيد المحفظة
وتكتب المبلغ الانت عاوز تضيفو
بعد تضغط اضافة ح تمشي لشاشة اكتب اسمك الاول ورقمك من غير صفر بعداك دوس تاكيد الطلب
بوديك لشاشة الدفع (كويك باي) تكتب فيها رقم بطاقتك ورقم تلفونك ورمز الولاء 21885
وتاريخ انتهاء البطاقة وكلمة السر
حتدوس دفع حيخصم من بطاقتك وتجيك في محفظتك طوالي
البطاقات البنكية كلها مقبولة عدا فيصل والسلام وبنك الخرطوم
الطريقة الثاليثة عن طريق تطبيق كاش امان
خش في تطبيق كاش امان واضغط علي خدمات كويك بعدين خش علي كروت الشحن
بعدين حتلاقي كروت شحن المحفظة بالشكل دا قدامك اختار الفئة العاوز تشحن بيها المحفظة اشتريها حيجيك كود انسخو
بعد تنسخ الكود خش محفظتك ح تلاقي خيار مكتوب عليهو coupons اضغط عليهو وخت الكرت النسختو من التطبيق واضغط علي اضافة وحيتضاف معاك الرصيد
